Janë luajtur sot ndeshjet e javës së 37-të, që është e parafundit për këtë sezon në Serie A. Vëmendja ishte padyshim në “Ennio Tardini”, aty Parma priti Napolin dhe në supersfidën në “San Siro” mes Inter-it dhe Lazio-s.
Napoli i drejtuar nga Antonio Conte ka zhgënjyer, duke mos shkuar më shumë se barazimi pa gola ndaj Parmës, por napolitantët morën një “dhuratë” të madhe nga Lazio.
Në “San Siro”, në kryesfidën e javës së 37-të, Inter nuk ka shkuar më shumë se barazimi 2-2 ndaj Lazios, në një ndeshje me plot emocione dhe në fund u mbyll në mënyrë dramatike për të zotët e shtëpisë. Pjesa e parë është mbyllur 1-0 për zikaltrit, të cilët gjetën golin në minutën e parë shtesë me Bisseck.
Lazio barazoi shifrat me Pedron në minutën e 72-të me një gol të kontestuar, ku u desh edhe ndërhyrja e VAR, pasi dyshohej për pozicion jashtë loje, por arbitri kryesor i takimit vendosi ë goli të quhej i rregullt.
Gjithsesi, zikaltrit nuk u dorëzuan dhe vetëm pak minuta më pas gjetën golin e avantazhit. Calhanoglu kroson në zonë nga goditja e dënimit, Denzel Dumfries i shpëton mbrojtes bardhekaltër dhe dërgon me kokë topin në rrjetë. Por, bardhekaltrit e Baronit nuk dorëzohen dhe fitojnë një penallti pas prekjes së topit me dorë nga Biseck brenda zonës, për të cilën u desh edhe ndërhyrja e VAR-it. Pedro merr topin dhe tregohet i saktë përballë Sommer, duke barazuar shifrat dhe duke heshtur “San Siro-n”. SHIKORASTINEPENALLTISE
Në minutat e fundit shtesë, Inter gjen golin me Arnautovic, por që nuk ishte i rregullt, u anullua për pozicion jashtë loje. Kur mbetet për t’u luajtur dhe java e fundit, Napoli kryeson me 79 pikë, ndërsa Inter ndjek me një pikë më pak. Javën që vjen, që është e fundit, Inter luan në transfertë ndaj Como, ndërsa Napoli në fushën e vetë ndaj Cagliari-t.
Discussion about this post