U pa me njëfare dyshimi nga analistët e futbollit kur në verën e vitit 2021 zgjodhi të largohej nga Milani me parametër zero për t’iu bashkuar Interit, tifozët e rinj ama e mbështetën menjëherë. Megjithatë, tani Hakan Calhanoglu është idhulli i padiskutueshëm i Interit. Për paraqitjen e tij, në rolin e playmakerit që Inzaghi i ka përshtatur, por mbi të gjitha për atë se si ndihet për klubin zikaltër.
Tashmë sezonin e kaluar, në të cilin ai kishte shënuar 8 gola dhe kishte dyshifruar në asistime, ai kishte marrë duartrokitje të ngrohta nga San Siro, por tashmë një dashuri e papërmbajtshme për të ka shpërthyer. “Merita” e deklaratave pas fitores së Superkupës së Italisë në Riad, e mënyrës sesi të dielën e kaluar heshti kuqezinjtë pasi mposhti goditjen nga këndi 1-0 të Lautaros dhe lidhjes që tregon ndaj asaj që ka një vit e gjysmë që është tashmë familja e tij.
“Kjo fitore është shumë e rëndësishme, aq më tepër për mua. Pas këtij 3-0, nuk mund të thuhet shumë. Fyerjet që tifozët e Milanit i bënë majit? Karma kthehet… Doja të hakmerresha dhe, edhe nëse nuk më pëlqenin disa gjëra që nuk i prisja, heshtja. Tani ata duhet të na respektojnë dhe të respektojnë 3-0. Ne i hëngrëm dhe i dërguam shpejt në shtëpi”, këto ishin deklarata që e bënë akomë më shumë idhull Hakanin nga Bosfori.
Duke dëgjuar dhe lexuar këto fjali, ai është tashmë një legjendë për Interistët dhe të dielën e kaluar e përfundoi detyrën duke i mbyllur gojën Curva Sud (ultrasve të Milanit), pasi shërbeu asistin nga këndorja për golin e fitores së Lautaros në derbi. Me atë gjest i ktheu mbrapsht thirrjet jo fort të bukura që i ishin drejtuar dhe ndoshta mbylli përfundimisht llogaritë me të shkuarën.
Lidhja që numri 20 kishte që në fillim me tifozët e Interit ishte e rëndësishme, por këtë sezon është bërë edhe më e ngushtë. Çdo lojë një brohoritje për të ose një ovacion kur ai largohet nga fusha. Me Calhën duke buzëqeshur dhe duke u ndjerë gjithnjë e më shumë një tifoz i Interit.
Së shpejti do të arrijë edhe rinovimi i kontratës deri në vitin 2026 për të sanksionuar një martesë, të përfunduar në një transferim falas në dëm të kushërinjve, që po sjell kënaqësi për të dyja palët: agjenti i tij foli për herë të parë me ds Ausilio në dhjetor dhe megjithatë, vullneti është të ecim përpara së bashku.
Nëse i rritet paga me 5 milionë neto në sezon dhe Hakan do të qëndrojë në Milano. Të hënën ai do të gjejë Brozovic pranë tij dhe, edhe nëse kroati do ta detyrojë të kthehet në “mezzala”, ai nuk do të humbasë buzëqeshjen dhe dëshirën për të vazhduar të luajë ndoshta futbollin më të mirë të karrierës së tij.
Discussion about this post