Interi zbret në fushë sonte përballë Spezias në kuadër të javës të 26 të kampionatit italian të futbollit. Kjo është caktuar sot, në mënyrë që të lejojë klubin zikaltër që të luajë në formë optimale në Champions League përballë Portos, këtë të martë.
Simone Inzaghi duket se do bëjë pak turnover në ndeshjen e sotme, duke filluar nga porta.
Samir Handanovic me shumë gjasa do të jetë portieri titullar kundër Spezias.
Sipas lajmeve të fundit të siguruara nga Sky Sport, portieri slloven është favorit për të mbrojtur katërkëndëshin e Interit me André Onanan që do akomodohet në pankinë.
Një tjetër risi e mundshme lidhet me Danilo D’Ambrosio, i cili mund të përfshihet në treshen mbrojtëse me Matteo Darmian që luan në krahun e djathtë në vend të Denzel Dumfries.
Nga ana, tjetër, reparti i avancuar pritet të mos ketë luhatje, me teknikun Inzaghi që pritet të rreshtojë në fushë më të mirët.
Discussion about this post