Skuadra e Interit e ka mbyllur në avantazh pjesën e parë ndaj Napolit. Zikaltërit u gjendën në disavantazh ku Zielinski shënoi golin e parë në këtë sfidë duke mposhtur portierin Handanoviç. Megjithatë vendasit u rikthyen në lojë pas golit të shënuar nga Çalhanoglu i cili realizoi nga pika e bardhë e penalltisë.
Gjithsesi një minut para përfundimit të kohës së rregullt, Ivan Perisiç shënoi edhe golin e dytë për Interin duke e dërguar skuadrën në avantazh në dhomat e zhveshjes.
Skuadra e trajnerit Inzagi ushtroi kontrollin e lojës në pjesën e parë duke i lënë shumë pak hapësira Napolit që realizoi në një kundërsulm. Për Interin fitorja është detyrim pasi diferenca me vendin e parë është plot 7 pikë.
Discussion about this post