Inter planifikon të rikthejë Lukaku?

Drejtori i Interit, Piero Ausilio pranon se do të nënshkruante sërish me Romelu Lukaku ‘por vetëm në huazim’.

Lukaku u kthye te Chelsea nga Interi në një marrëveshje prej 115 milionë euro verën e kaluar. Sulmuesi belg kishte shënuar 64 gola në 95 ndeshje me gjigantët e Serisë A.

Agjenti i tij Federico Pastorello pretendoi javën e kaluar se Lukaku do të kthehej në Serie A një ditë, pasi është i dashuruar me Italinë. A do ta nënshkruanin Ausilio sërish te Interi?

“Po, por vetëm në huazim”, tha drejtori i Interit duke buzëqeshur gjatë një interviste për ‘Sky Sport Italia’.

Lukaku ndoqi lojtarët si Antonio Conte dhe Achraf Hakimi larg San Siros, ndërsa ‘Zikaltërve’ iu desh të gjenin një zëvendësues për Christian Eriksen, i cili pësoi atak kardiak gjatë Euro 2020.

“Situata nuk ishte aq e keqe sa përshkruhej, por humbja e Conte, Lukaku, Eriksen dhe Hakimi mund të kishte vrarë këdo, por jo Interin, nuk mund të dorëzohesh pas vështirësisë së parë”, vazhdoi Ausilio.

“Ne u ndjemë konfuz kur Lukaku na kërkoi të largohej sepse lojtari që kishim sakrifikuar në merkato ishte Hakimi. Megjithatë, ne nuk u dorëzuam, folëm me trajnerin dhe zgjodhëm lojtarët e duhur në Edin Dzeko dhe Joaquin Correa. Duhet të qëndrojmë në kohë, kemi nevojë për stabilitet ekonomik, por duhet të mbajmë edhe cilësinë e lartë. Interi nuk do të jetë kurrë më i dobët pas një afati kalimtar. Jemi në kontakt të drejtpërdrejtë me pronarët dhe ekipi është i fokusuar në punën e përditshme. Për sa i përket të ardhurave, hendeku midis Serie A dhe Premier League është i madh. Është e vështirë të konkurrosh kundër West Hamit ose Leicester Cityt, jo vetëm kundër klubeve më të mira”.-shtoi ai./K.T/Gijotina.com