Skuadra e Interit ka njoftuar rinovimin e kontratës me yllin e mesit të fushës Nicola Barella. Futbollisti i kombëtares italiane ka vendosur të zgjasë kontratën me zikaltërit deri në vitin 2026 ku do të përfitojë plot 5 mln euro neto në sezon plus bonuset në varësi të paraqitjes së tij dhe arritjes së objektivave sezonale. Palët kishin gjetur prej kohësh akordin por mungontë vetëm firma mbi kontratë e cila erdhi ditën e sotme.
“FC Internacionale Milano komunikon se ka arritur akordin për zgjatjen e kontratës së lojtarit Nikolo Barela. Mesfushori i datëlindjes 1997 do të jetë zikaltër deri më 30 qershor 2026”, shkruhej në njoftimin e skuadrës së Interit. Barella kërkohej nga shumë skuadra të njohura europiane por Inter i’a doli të bindte futbollistin të rinovonte kontratën teksa në të ardhmen do t’i besohet edhe roli i titullarit.
Discussion about this post