Interi ka triumfuar me rezultat të thellë 6-1 në shtëpi ndaj Bolognas ku zikaltërit i janë kthyer fitores pas barazimit me Sampdorian, duke marrë në këtë mënyrë kreun e renditjes së Serie A
Pjesa e parë e ndeshjes u karakterizua me dominim të vendasve, të cilët përveç rasteve të shumta, arritën t’i shënojnë edhe tri gola.
Goli i parë i ndeshjes erdhi pas vetëm gjashtë minutave lojë dhe ishte Lautaro Martinez, i cili shënoi për 1-0 pas asistimit të Denzel Dumfries.
Në minutën e 30’ ishte Milan Skriniar që shënoi me kokë për 2-0 pas asistimit të Federico Dimarco, ndërsa Nicolo Barella në minutemen e 34’ shënoi për 3-0 dhe me këtë rezultat ekipet mbyllën pjesën e parë.
Në pjesën e dytë përsëri u zhvillua lojë e barabartë me Interin edhe më kërkues, që gjen golin e parë në këtë pjesë në minutën e 54’ dhe ishte Matias Vecino, i cili shënoi nga afërsia për 4-0 pas asistimit të Dimarcos.
Edin Dzeko u përkujdes të shënoj në minutën e 63’ dhe në të 68’ dopietën personale për epërsinë 6-0.
Deri në fund të ndeshjes, trajneri Simone Inzaghi u dha mundësi edhe disa lojtarëve që nuk kanë luajtur parë në këtë sezon dhe në fund miqtë gjeten golin e nderit me anë të Arthur Theate në mintën e 87′, i cili shënoi për rezultatin final 6-1.
Pas kësaj fitore, Interi e sheh veten në pozitën e parë me 10 pikë, ndërsa Bologna renditet e shtata me 7 pikë.
