Në Divjakë, ditën e sotme ka ndodhur një krim i dyfishtë brenda familjes, ku bashkëshorti Hekuran Rrasa 58 vjeç, ka vrarë me armë gjahu në banesë bashkëshorten e tij, Fëllënxe Rrasa 45 vjeçe dhe më pas ka vrarë veten.
Sipas burimeve viktimat kanë qenë prindër të një djali, ndërsa ka qenë pikërisht ky i fundit i cili i ka gjetur ata të vdekur dhe ka njoftuar policinë.
I riu tregon se ka qenë në kafe në momentin kur e kanë njoftuar për krimin që kishte ndodhur në familjen e tij, pasi të afërmit kishin dëgjuar të shtënat.
Ai ka dhënë një dëshmi mes lotëve për mediat: “Kërkoj ndihmë nga Zoti, jam në mes të rrugëve”
Familjarë dhe të afërm të familjes Rrasa kanë rrëfyer se çifti ka pasur grindje kohët e fundit, edhe për shkak të gjendjes së vështirë ekonomike në të cilën jetonin.
Hekuran Rrasa qëlloi fillimisht gruan e tij dhe më pas veten, ndërkohë që të afërmit thonë se nuk ka pasur probleme të shëndetit mendor, dhe së fundi punonte në Bashkinë e Divjakës në drejtorinë e mirëmbajtjes dhe pastrimit.
“Ata s’bënin llafe po kohët e fundit po, Hekurani punonte në bashki, ajo në shtëpi me punët e shtëpisë”, tha një prej komshinjve.
