Interi fiton Kupën e Italisë, shpresa është që të mos jetë i vetmi trofe këtë sezon

U luajt këtë të mërkurë, finalja e madhe e Kupës së Italisë, mes Fiorentinës dhe Interit, në stadiumin Olimpik të kryeqytetit italian, Romë.

Zikaltrit triumfuan në aktin e fundit të kompeticionit të dytë për nga rëndësia, në futbollin italian, me rezultatin e ngushtë 2-1.

Gjithçka, nisi në malore për lombardët, të cilët e panë veten në disavantazh pas 3 minutash lojë. Gonzalez dërgoi në avantazh, klubin nga Firence, duke goditur saktë nga brenda zonës e duke mos i dhënë asnjë mundësi portierit Handanovic.

Interi nuk e humbi toruan dhe falë lojtarëve më cilësorë në krahasim me kundërshtarin, barazoi shifrat pas 29 minutash lojë, falë argjentinasit Martinez.

Në të 37-ën minutën, ishte përsëri sulmuesi kampion bote që me një gjest akrobatik, dërgoi në epërsi skuadrën e tij, duke bërë që të shpërthejë festa në sektorin e tifozëve të Interit.

Me këtë rezultat, u mbyll pjesa e parë. Në pjesën e dytë, rezultati nuk ndryshoi, me Interin që siguroi trofeun e Kupës së Italisë.

Në Milano shpresojnë që ky të mos jetë trofeu i vetëm, këtë sezon. Më datrë 10 qershor, në Stamboll, djemtë e Inzaghit, do të ndeshen me Manchester City, në finalen e UEFA Champions League.

Nga ana tjetër, Fiorentina duhet të rikuperojë forcat dhe moralin e duhur, për tu përballur me West Ham, në finalen e Conference League, e cila luhet më datë 3 qershor./m.b /gijotina.com