Skuadra e Interit është vetëm një hap larg kualifikimit në fazën tjetër të Ligës së Kampionëve. Zikaltërit fituan pastër 2-0 ndaj Shakhtarit në “San Siro” duke u ngjitur në kuotën e 10 pikëve në grup. Për skuadrën italiane heroi ishte sulmuesi Edin Xheko i cili realizoi një dopietë personale. Në minutën e 61 të takimit boshnjaku zhbllokoi shifrat e takimit teksa vulosi fatet e ndeshjes vetëm gjashtë minuta më pas.
Me këtë sukses Interi është një hap larg kualifikimit teksa i mjafton që Sherif Tiraspol të mos fitojë sonte ndaj Real Madrid për të prerë biletën për në turin tjëter të Ligës së Kampionëve, objektiv që mungon prej një dekade në shtëpinë zikaltër. Duhet theksuar se kampionët e Italisë po gëzojnë një formë të shkëlqyer në të gjitha kompeticionet.
Discussion about this post