Skuadra e Interit fitoi ndaj Napolit me rezultatin 3-2 duke u futur zyrtarisht në garën për titullin kampion. Përtej suksesit të zikaltërve ajo që tërhoqi vëmendjen e mediave ishte incidenti i krijuar nga tifozët e Interit.
Në shkallët e stadiumit “San Siro” u dëgjuan brohorima të pakëndshme duke ironizuar me vullkanin Vezuv që ndodhet në qytetin e Napolit dhe që është një rrezik për banorët e rajonit. “Vezuvi i lau ata me zjarr. Vezuvi shpërtheu, Napoli u shkatërrua”, ishin koret e tifozëve të Interit. Këto veprime nuk janë të tolerueshme në futboll dhe në raste të ndryshme ka patur edhe ndëshkime për skuadrat përkatëse.
Tashmë i mbetet disiplinës sportive në Itali për të shqyrtuar rastin në fjalë teksa Inter rrezikon të pezullohet një ndeshje pa tifozë.
Discussion about this post