Lamtumira e tij me Juventusin pritej të merrte një vëmendje shumë më të madhe, por emocionet nuk munguan. Paulo Dybala u përlot në përshëndetjen e tij me tifozët e “Zonjës së Vjetër”.
Sipas “La Gazzetta dello Sport” tashmë është momenti që të marrë hapat konkretë për të ardhmen e tij. Prestigjiozja italiane ka publikuar sot edhe ofertën zyrtare që Interi mund t’i ketë bërë “La Joya” për të veshur fanellën zikaltër.
Beppe Marotta ka vendosur në tavolinën e Dybala një kontratë 4-vjeçare, ku do të përfitojë rreth 6 milionë euro në sezon.
Por jo vetëm kaq, pasi ai do të ketë dhe një shumë të majme në formë bonusesh në bazë të objektivave të arritura. Tashmë pritet vetëm përgjigja e Dybala. Marotta shqetësohet disi nga ofertat jashtë Italisë, që po merr Dybala.
Discussion about this post