Trajneri i Liverpool, Jurgen Klopp ka zbuluar se deklaratat e Mohamed Salah për rinovimin e kontratës nuk e kanë shqetësuar aspak.
Ylli i ‘The Reds’ dha një intervistë për median egjiptiane ‘MBC Masr TV’ ku ndër të tjera foli edhe për të ardhmen
Ai shprehu dëshirën për të qëndruar në ‘Anfield’, por shtoi edhe se kjo gjë nuk varet vetëm nga ai, pasi sipas sulmuesit në dorë e kanë drejtuesit e Merseyside.
Duke folur për këto deklarata Klopp e konsideroi normale situatën “normale”, pavarësisht se yllit të Liverpool i përfundon kontratën e tij në 18 muaj.
“Ne po flasim. Zgjatja e një kontrate me një lojtar si Mo nuk është diçka që bëni dhe takoheni për një filxhan çaj pasdite dhe gjeni një marrëveshje. Kjo është krejtësisht normale. Nuk ka asgjë më shumë për të thënë për këtë. Mo flet në lidhje me këtë kur pyetet. Mund të them vetëm disa gjëra sepse gjithçka tjetër nuk është për publikun, natyrisht. Por nuk jam i sigurt nëse ai e ka dhënë intervistën në anglisht apo nëse e kanë përkthyer nga arabishtja në anglisht, pasi është një temë shumë e rëndësishme, siç e kemi parë ditët e fundit, shumë mund të ndodhin vërtet kur dikush përpiqet ta bëjë këtë. Mo është mirë, unë jam mirë. Mendoj se ajo që ne të gjithë duam është e qartë dhe gjëra të tilla kërkojnë kohë, kaq”,-theksoi gjermani në prag të takimit të Champions League kundër Milan./K.T/Gijotina.com
Discussion about this post