Presidenti Ilir Meta ka reaguar pas artikullit të organizatës “Together for Life” e cila ka ngritur shqetësimin se Shqipëria është ndër të paktat vende në Europë dhe rajonin e Ballkanit që ende nuk ka publikuar të dhëna dhe raporte mbi efektivitetin e përdorimit të fondeve.
Meta shkruan se keqmenaxhimi i fondeve për pandeminë është armik i shëndetit publik dhe jetës së qytetarëve. Referuar raportit, Meta shkruan se në Shqipëri situata në menaxhimin e fondeve në sektorin e shëndetësisë vijon të ketë mungesa të theksuara sa i takon transparencës dhe llogaridhënies.
Sipas kreut të shtetit, nga marsi 2020 deri në maj 2021, 18% e totalit të kontratave me kompanitë për furnizime me materiale që kishin lidhje me COVID-19 ishin sekrete. Si pasojë e procedurave të përzgjedhura dhe vakumeve ligjore, disa procedura prokurimi rezultuan jo efektive, duke mos siguruar në kohë pajisjet mjekësore të domosdoshme për situatën COVID- 19.
Discussion about this post