Presidenti i nderit i klubit të Kukësit, Safet Gjici ka dhënë një lajm shumë të mirë për tifozët e ‘Verilindorëve’.
Në një komunikim për mediat ai ka bërë me dije se deri në përfundim të muajit shtator stadiumi i tyre do të jetë gati për të pritur ndeshjet e skuadrës, e cila prej rreth 3 sezonesh është pa shtëpi.
“Gjithçka lidhet me stadiumin. Besoj fort se deri në fund të shtatorit do të mbyllet përfundimisht stadiumi. Dhe kjo është shumë e rëndësishme për Kukësin dhe tifozët. Është një investim afër 10 milionë euro. Një investim gjigand dhe një stadium me të gjitha parametrat dhe standardet e UEFA-s.”-tha ai.
Ndërsa ka folur për gjendjen e ekipit, Gjici ka theksuar se është në formë shumë të mirë, por megjithatë do e tregojë veten në takimin me Egnatian.
“Trajneri ka bërë disa testime me ndeshje miqësore si ajo me Dinamon. Unë e pashë vetë ndeshjen dhe ekipi duket në formë. Por këtë do e tregojë fusha e blertë me ndeshjet zyrtare të cilat fillojnë ditën e dielë me Egnatian. Aty do të shikojmë se çfarë trajneri dhe stafi teknik kanë bërë dhe ndërtuar ekipin e Kukësit për të konkuruar denjësisht në kampionatin shqiptar.
Besoj se me kthimin e ekipit në Kukës në fushën e vet dhe me ndihmën e tifozëve patjetër që Kukësi do të ketë rezultatet të mira.”-tha ndër të tjera Presidenti i Kukësit./Gijotina.com
