Skuadra e Interit është e detyruar për të fituar ndaj Shakhtarit në Ligën e Kampionëve pas humbjes me Realin. Zikaltërit luajnë në Ukrainë këtë të mart teksa trajneri Simone Inzagi largon presionin nga lojtarët e tij.
“Shaktari ka bërë një rrugëtim të madh. Kanë kaluar më shumë se 20 vite nga goli im ndaj tyre, sakaq ata kanë bërë një rrugëtim të madh ku ishin shumë pranë finales së Europa Ligës dhe në Champions ka bërë mirë.
Nuk është ende një ndeshje deçizive. Shaktari është një skuadër e stërvitur mirë, dhe duan që të na hapin probleme. Do të duhet që të bëjmë një ndeshje të mirë duke e ditur që vijmë nga një ndeshje e mirë ndaj Atalantës. Skuadra dhe reagimi i saj më ka pëlqyer”, tha trajneri i skuadrës së Interit, Simone Inzagi.
