Trajneri i skuadrës së Interit, Simone Inzagi ka theksuar se është shumë i dëshpëruar që zikaltërit kanë humbur katër pikë ndaj Juventusit dhe Milanit pasi është i bindur se ekipi i tij meritonte fitoren në këto ndeshje.
“Për mua gota është gjysmë bosh, humbëm një penallti dhe për mundësitë e krijuara merituam më shumë. U përballëm me një ekip të shkëlqyer që është i pari me meritë, këto paraqitje na japin ndërgjegjësim. Ajo që duhet të bëjmë është të rifitojmë forcën dhe energjitë, në gjashtë ndeshjet e fundit kemi barazuar me Juventusin dhe Milanin ku ndoshta e meritonim të fitonim. Milani dhe Napoli po mbajnë një ritëm të pabesueshëm por ne jemi aty, nuk duam të ndalemi dhe kemi dashur t’ua japim fitoren tifozëve tanë. Ishte derbi me ritëm shumë të lartë, le të vazhdojmë.
Gjuajtësit tanë të penalltisë janë Lautaro dhe Çalhanoglu, është normale që nga humbja e tyre kemi arritur dy barazime me Atalantën dhe Milanin, mund të kishim katër pikë të tjera.
Nuk u afruam shumë mirë në 20 minutat e para, filluam të mbajmë topin dhe ata janë një ekip teknik dhe duhet të përpiqesh të komandosh lojën. Barela ndjeu lodhje, kam pasur edhe disa probleme me Xhekon e Bastonin. Të luash me kaq shumë ritëm mund të ketë situata të tilla”, tha Inzagi.
Discussion about this post