Baba Lleshi është një nga reperët më të rinj dhe më të përfolur të momentit në Shqipëri, ku herë pas herë ka qenë dhe pjesë e filmave të ndryshëm.
I ftuar në “ABC e Mëngjesit”, Baba Lleshi ka treguar historinë e jetës, ku nga grabitës i një banke në Itali është bërë repist. Madje, ai ka zbuluar se është duke shkruar edhe një libër.
Sakaq, së bashku me këngëtarin e muzikës popullore Mirgen Zela, do të organizojnë një koncert bamirësie në Kukës, ku lekët do të shkojnë për bamirësi.
“Unë kam bo ca burg, 6 vjet e gjysmë. Normal si të gjithë djemtë në moshë të re gabojnë dhe ishte një moshë ku pak a shumë logjika nuk është maksimum me moshën. Patëm bërë një grabitje në bankë në Itali. Nuk ndihem keq kur ma përmendin se kam bërë diçka për shkak të nevojave, nuk e kam bërë për pasion ose për qejf. Nuk kam dëmtuar njëri. Tashmë kam kryer dënimin, merrem me muzikë dhe po shkruaj edhe një libër”, rrëfeu Lleshi.
Discussion about this post