Genc Gjokutaj, avokati i ish-Kryeministrit Sali Berisha, ironizoi takimin e Sekretarit të Shtetit, Antony Blinken, me disa nga drejtuesit e institucioneve të reja të drejtësisë.
Gjokutaj shkruan me ironi se takimi i Blinkenit me njerëzit e drejtësisë u zhvlerësua për shkak të mungesës së dëshmorit të gjallë, Ardian Dvorani.
“Pjesa me interesante e takimit të Sekretarit Amerikan të Shtetit, z. Blinken, ishte takimi me drejtuesit e Institucioneve të Drejtësisë! Vizita me të gjithë së bashku zgjati vetëm 10 minuta!
Por ajo që e zhvlerësoi këtë takim ishte mungesa e Dëshmorit të gjallë të Drejtësisë, Ardian Dvorani, çka e beri jo serioz takimin!
Nga burime të sigurta bëhet me dije se zgjatja 10 minuta e takimit u shkaktua nga mosnjohja e gjuhës angleze e drejtuesve të Drejtësisë, dhe nga mosparashikimi i këtij fakti, nuk ishte planifikuar prezenca e një përkthyesi!
Megjithatë mesazhi është dhënë për goditje ndaj krimit dhe korrupsionit nëpërmjet gjuhës së trupit!
Pas takimit mes drejtuesve të institucioneve të Drejtësisë ka pasur debat të ashpër për shkak të kuptimit jo njësoj nga ana e tyre të shenjave që u ka bërë Sekretari Blinken!” shkruan ai.
Discussion about this post