Deputeti i Partisë Demokratike Tritan Shehu ka reaguar pas deklaratave të kryeministrit Edi Rama në Ohër për krimet serbe në Ballkan duke ironizuar akuzat në adresë të presidentit serb Alexandër Vuçiç.
Shehu shkruan se një Ballkan europian nuk mund të ndërtohet mbi thënie horror: “ke vrarë këtë, ke therur atë”. Sipas tij, deklaratat e Ramës janë një tentativë makabër për të “shpëlarë” Vuçiç nga e kaluara e regjimit të Milloshevicit, pjesë aktive e të cilit ka qenë edhe ai vetë.
Madje Shehu e cilëson një impostim shumë të rrezikshëm veçanërisht përballë një Serbie që po armatoset fort nga Rusia e Kina.
“Një Ballkan europian nuk mund të ndërtohet mbi thënie horror: “ke vrarë këtë, ke therur atë”. Një impostim i tillë i historisë tragjike të Ballkanit veçse krijon premisa për ripërsëritjen e krimeve të së kaluarës. Veçanërisht kur kjo deklarohet nga kryeministri i Shqipërisë përpara përgjegjësve të atyre krimeve, të cilët as i pranojnë ato dhe jo të kërkojnë falje. Një tentativë kjo makabër për të “shpëlarë” Vuçiçin nga e kaluara e përgjakur e regjimit te Millosheviçit, pjesë aktive e të cilit ka qenë edhe ai vetë. Një impostim ky shumë i rrezikshëm veçanërisht përballë një Serbie, që po armatoset fort nga Rusia e Kina, në një situatë të sotme të turbullt e të mjegullt të rajonit tonë”, shkruan ndër të tjera Shehu.
Discussion about this post