Deputeti i Partisë Demokratike Saimir Korreshi ka reaguar pas vendimit të Komisionit të Etikës për të përjashtuar nga seancat plenare 6 deputetë të PD.
Ai u shpreh se vendimi është marrë një ditë më parë në kryesinë e grupit parlamentar të Partisë Socialiste duke theksuar se afatet janë tejkaluar.
Sipas tij kjo lëvizje bëhet për të hequr zërat më të fortë në mocionin përballë Ramës. Ai ironizoi socialistët duke thënë se kanë pretenduar se Zeqaj ka qenë duke i rënë pianos dhe pa dashje ka votuar edhe për kolegen.
“Vendimet janë marrë që në kryesinë e grupit parlamentar të PS. E njëjta histori. Kalojnë afatet këtu, kuvendi ka shumë punë. Ka filluar fushata elektorale dhe merren më tepër me Aktivistin. Është e njëjta situatë që ndodh gjithmonë. Zërat më të fortë nuk duan t’i kenë në sallë kur të vijë kryeministri. Interpelancë urgjence me qëllim që të mos e vënë kryeministrin në siklet duke nxitur edhe opozitën të mos ketë ato reagime.
Patjetër që do të protestojmë. Kësaj radhe i bie të protestosh kot se Koçi i Teto Ollgës është duke bërë luftë me shpata në Japoni. I bie të protestojmë kot edhe këtë javë. Në vend që të jetë parlamenti që kontrollon qeverinë është një kryeministër hajdut që bën të njëjtën tollovi dhe retorikë. Kjo ka ndodhur dhe kjo ndodh. Parlamentin e kanë zhbërë. Është çështje kohe që këtij parlamenti t’i vijë koha. I ka kapur të tre pushtet.
I zbath zërat kritikë dhe mban vetëm njerëzit që i bëjnë vetëm fresk. Ne kemi bërë thirrje publike. Ka pretendime se zoti Zeqaj ishte duke i rënë pianos dhe thjesht ka zgjatur pak dorën. Fjala palaço e kryeministrit u ligjërua. Ne kur mbrohemi për të mos dhënë fjalën dhe të drejtën e interpelancës, për ta është normale të thyhen rregullat. Ne jemi të lodhur te kjo pjesë. Denoncimin publik do ta bëjnë ata që pretendojnë se po ndjekin rregulloren në mënyrë të jashtëzakonshme”, deklaroi Korreshi.
Discussion about this post