Deputeti i Partisë Demokratike, Tritan Shehu ka komentuar takimin që kryeministri Edi Rama do të zhvillojë me liderët e Rajonit në Tiranë, që sipas tij nuk është gjë tjetër veçse ajo që ai e quan “dreka” e te 40-ave të “Ballkanit të hapur”!
Sipas Tritan Shehut, Rama dhe Vuçiç janë të pabesueshëm për procesin e Berlinit.
Reagimi
Vuçiç, Rama&Co, promovuesit e “Ballkanit të hapur” janë të pabesueshëm për “Procesin e Berlinit”.
Pra “Dreka” e Ramës është vetëm “dreka” e të 40-tave të “Ballkanit te hapur”!
Dreka e sotme e Ramës për “Procesin e Berlinit”, është thjesht një mjegullnaje për të fshehur “arshivimin” e detyruar të “Jugosllavisë së re”!
Që ajo deklarate e tij për “avullimin’ pa asnjë shpjegim të asaj nisme të Vuçiç, ishte një “epilog” i detyruar, kjo nuk le vend për asnjë dyshim.
Dhe kjo ndodhi pak javë më parë, sot shtrohet dreka.
Ndërsa “Procesi i Berlinit” është një nismë thelbesore, pluri dimensionale, me efekte tejet pozitive për secilin vend, Rajonin në terresi, integrimin.
Kjo nismë udhehiqet nga BE, jo nga Vuçiç a dikush tjetër si “patronazhist” i tij.
Në krye të asaj “tavoline” me të gjithë të barabartë në atë, është Brukseli.
Nuk është më Vuçiç e Rama krah tij.
Ata u investuan totalisht tek “Ballkani i hapur”, diametralisht i kundërt ky me Procesin e Berlinit.
Kështu Rama&Co nuk mund të besohen për kthesen 180 grade të befasishme që morën!
Rama duhej të dorëhiqej për investimin e dështimin e tij!
Prandaj kot mblidhen sot në Tirane.
Discussion about this post