Deputeti i PD-së, Dashnor Sula ka pohuar se asnjë nen në Kushtetutë nuk e përcakton që interpelancat të delegohen, siç bëri kryeministri Rama me ministren Elisa Spiropali.
Sula tha se interpelanca duhej të ishte shtyrë nëse Kryeministri s’do të kishte mundësi që të ishte i pranishëm në sallë.
“Do të flas…mundem të lutem. Do të flas duke iu referuar rregullores. Ju sfidoj juve, këdo këtu, që të gjej një germë të vogël ku thuhet që interpelanca i delegohet një personi tjetër. Nëse bëhet fjalë për aktivitetin e qeverisë, mund të delegohej. Thjesht do të ishte një përgjigje logjike në sajë të këtij parlamenti.
Nëse kryeministri ynë nuk ka mundësi reale, mund të ishte shtyrja e interpelancës, por jo të delegohet ajo. Nenet 6-7 e përcaktojnë qartë. Por rregulloja e thotë qartë. Do ishte në nderin tuaj zonja kryetare që mos të vazhdonin këto lloj zhvillimesh. Nëse kryeministri nuk vinte, ta shtynim. Nuk e kemi dashurinë për Spiropalin, por për kryeministrin.”, tha ai.
Discussion about this post