Ish-kryeministri Isa Mustafa ka dalë sot në një thirrje të fortë ndaj qeverisë sa i përket formimit të Asociacionit të komunave me shumicë serbe. Ai ka thënë gjatë një interviste televizive zhvillimi i kësaj çështjeje është obligim i Kosovës, të cilit nuk mund t’i shmanget. Sipas tij, s’ka alternativa tjera, ose të themelohet Asociacioni, ose Kuvendi ta anulojë marrëveshjen
“Pataten e nxehtë e ka lënë Kuvendi i Kosovës me marrëveshjen e parë dhe Gjykata Kushtetuese. Pika e parë e marrëveshjes së vitit 2013, për normalizim të marrëdhënieve thotë se do të formohet Asociacioni i Komunave me Shumicë Serbe. Prandaj, ose duhet të mblidhet Kuvendi dhe ta abrogojë ose ta anulojë Ligjin për ratifikimin e marrëveshjes së parë me mbi 80 vota, me dy të tretën e votave, dhe mandej ne nuk kemi obligime juridike që ta bëjmë atë, ose duhet të punohet që të implementohet ligji për marrëveshjen e parë ”, ka thënë ai fillimisht duke shtuar se në 6 pikat e marrëveshjes s’qe përpunuar se si do të dukej ky asociacion. Sa i përket marrëveshjes së 2015-s, atë të parimeve të përgjithshme mbi Asociacionin, Mustafa ka thënë se është habitur se si ka arritur të përfshinte Kushtetuesen si arbitër.
Sa i përket marrëveshjes së 2015-s, atë të parimeve të përgjithshme mbi Asociacionin, Mustafa ka thënë se është habitur se si ka arritur të përfshinte Kushtetuesen si arbitër. “Kërkohet të bëhet në bazë të marrëveshjes së parë. Edhe gjykata Kushtetuese kërkon. Sepse po i dëgjoj liderët që thonë se Kushtetuesja ka deklaruar se është në kundërshtim me Kushtetutën. Kushtetuesja ka thënë se asociacioni duhet të themelohet konform marrëveshjes së parë, sepse themelimi është bërë pjesë e rendit juridik të Kosovës. Kështu shkruhet në aktgjykim, por jo në bazë të marrëveshjes së dytë”, ka deklaruar Mustafa.
Discussion about this post