Këngëtari, Ardit Cuni ka folur në “Fan Club” për krisjen e marrëdhënies së Donald Veshajt dhe Beatrix Ramosajt brenda shtëpisë së “BBV”. Sipas këngëtarit pas takimit që aktori pati me Romeo Veshajn, ai u distancua lidhja me këngëtaren Ramosaj.
Ish-banori i “BBV” u shpreh se Donaldi e ka humbur qëllimin që pati në fillim të lojës për të fituar çmimin, por po bën gjërat që ndjen dhe që i përjeton emocionalisht. Këngëtari mendon se që prej hyrjes së Romeos, aktori ka marrë një lloj shenje prej atij që e ka bërë të distancohet direkt ditën tjetër nga Beatrixa, ku sipas tij ky veprim ka treguar se ai është i dobët.
“ Shikoj krisje në marrëdhënien e tyre, siç pritej nga publiku. Donaldi është distancuar, arsyet nuk di të t’i them se nuk jetoj në shtëpi më, por ndoshta që nga momenti që takoi Romeon. Do të thoja që nëse ka marrë një mesazh që të distancohet dhe të veprojë menjëherë të nesërmen, ai ka dalë i dobët nga të dyja anët”, tha ai.
Discussion about this post