Ish-konkurrentja e “Big Brother VIP”, Sheila Haxhiraj, në një intervistë për “Fan Club”, ajo është shprehur për Monikën dhe marrëdhënien që ajo ka me Fifin.
Sheila tha se Fifin e konsideron si një vajzë shumë të sinqertë, por duke risjellë në vëmendje të bisedës debatin e “sajuar” mes Fifit dhe Monikës, ajo bëri deklaratën e papritur në lidhje me Monikën.
Sipas saj, Monika po përfiton nga gjendja emocionale e Fifit dhe po manipulon këtë të fundit.
“Ka zemër shumë të madhe dhe shumë e sinqertë, po më vjen keq po përfitohet me gjendjen e saj të keqe emocionale dhe po manipulohet nga Monika. Nuk e kam kuptuar këtë afrimitetin e tyre, që Monika ka për Fifin. Kur ka qenë zënka i kam thënë Monikës që mendoj në të pavetëdijshmen tuaj mendoj që këto janë fjalë të vërteta që keni thënë për njëra tjetrën (gjatë zënkës). Nuk kam qenë prezente dhe nuk gjykoj dot më mirë”, tha Sheila.
Sheila ka pasur një rrugëtim interesant brenda “Big Brother VIP”, por më së shumti njihet për debatin e ashpër që pati me Palomën.
