Gerta Shino është një ndër ish-banoret e Big Brother që ende lakohet nëpër media. Pas daljes së saj nga shtëpia, Gerta mbeti një personazh i njohur dhe i komentuar për publikun shqiptar, pasi hapi gjithashtu edhe kanalin e saj në Youtube, ku ndan detaje të jetës.
Këtë herë ajo ka ndarë me ndjekësit lajmin e mirë se është në pritje të një fëmije. Ish-banorja e “Big Brother Albania” u shpreh se ndihet shumë e lumtur që familja e tyre po zgjerohet. Mirëpo, ajo vendosi të mos na e tregojë ende në cilin muaj të shtatzënisë është dhe çfarë gjinie ka bebushi i saj.
Në video ajo shprehet se qëkur humbi fëmijën vitin e shkuar, ajo është bërë edhe më e kujdesshme, por edhe më supersticioze. Kjo ishte arsyeja pse Gerta nuk kishte qenë aktive në rrjete sociale, pasi e kishte pasur të vështirë ta ndante këtë lajm me ndjekësit e saj.
Prej kohësh, Gerta jeton në Norvegji me partnerin e saj Florentin.
Discussion about this post