Endri Hasa, ish-deputet dhe anëtar i Kryesisë së PD-së së vulës, u shpreh mbrëmjen e sotme se Gazment Bardhi, Enkelejd Alibeaj dhe Jorida Tabaku kanë përgjegjësi për situatën ku ndodhet kjo parti.
Në emisionin “Top Story”, Hasa tha se në më shumë se 1 vit, lidershipi i PD nuk ka prodhuar asgjë.
Hasa mbështeti vendimin e Kryesisë për mbajtjen e zgjedhjeve në parti dhe zgjedhjen e kryetarit brenda muajit korrik.
“Kam mbajtur qëndrim që mendoj se i bën mirë PD. Kjo nuk ka lidhje me emrat e përveçëm apo me datë specifike, është filozofi organizmi i partisë. Unë mendoj që në këto 1 vite e gjysmë kemi dështuar totalisht në ato aksione që kemi ndërmarrë. Mbi një vit nga 21 marsi ne kemi bërë mbledhje kryesie, nuk kemi funksionuar si parti politike. Gjithsecili ka kërkuar zgjidhje të ndryshme. Grupi parlamentar, shumë prej deputetëve janë mbyllur brenda mureve të kuvendit duke u larguar nga realiteti i partisë.
Fajin e ka lidershipi partisë. Jo më larg se mbledhja që kishim u kam thënë, Alibeajt, Tabakut e Bardhit, ju të tre, në një vit e gjysme çfarë na prodhuat? Unë e kam kërkuar në mbledhjen e kryesisë në marsin e vitit të kaluar që zgjedhjet do vinë, ne do duhet të bëjmë detyrat e shtëpisë, nuk deshi grupi.
Kam kërkuar personalisht mbledhje të kryesisë. Kam bërë një pauz mediatike, mendimet e mia i kam thënë ne institucione. Ne sot nuk mund të presim ne, nuk thash kush jan afatet e kësaj zgjidhjeje që thoni ju. Po vijnë zgjedhjet duhet të jemi formacion politik”, tha Hasa.
Discussion about this post