Ish- deputeti i Partisë Demokratike, Endri Hasa ka publikuar një intervistë të nënkryetarit të Bashkisë së Durrësit, Alket Braho, ku dëshmon publikisht se ish-kreu i Bashkisë, Vangjush Dako sipas tij, ka blerë vota për kryeministrin Rama në zgjedhjet e 25 prillit.
Hasa shkruan në Facebok se ndonëse Dako u shpall non grata nga SHBA, ai de facto, drejton ende Bashkinë e Durrësit, në bashkëpunim kryeministrin Rama.
“Nënkryetari i Bashkisë së Durrësit, Alket Braho, dëshmoi publikisht se Vangjush Dako ka blerë vota për Edi Ramën edhe në këto zgjedhje. Vangjush Dako u shpall non grata nga SHBA, por, de facto, drejton Bashkinë e Durrësit, në bashkëpunim me Edi Ramën. Ndiqni një pjesë të dëshmisë së nënkryetarit socialist të Bashkisë. Nga dëshmia e tij, konfirmohet ajo që të gjithë e dinë në Durrës se Vangjush Dako, në cilësinë e bankomatit të Edi Ramës, përcakton kush merr cilin tender në Bashkinë e Durrësit”, shprehet ai.
Sipas Hasës, zgjidhje për të për të pastruar politikën nga korrupsioni dhe politikanët e lidhur me krimin, është Vettingu në politikë.
Gjithashtu, ai i bëri thirrje SPAK të nisë hetimet për blerjen e zgjedhjeve nga Vangjush Dako, për korrupsion dhe ndërhyrje në tendera, bazuar në deklaratën e nënkryetarit socialist të Bashkisë së Durrësit.
Discussion about this post