Tregu Industrial në Gjirokastër është përfshirë sot në një kaos të vërtet nga përplasjet mes bizneseve dhe policisë bashkiake. Mesditën e sotme, policia e Gjirokastrës ka tentuar që të mbyllë Tregun Industrial me pretendimin se disa prej tregtarëve nuk kanë paguar qiratë mujore, ka hasur në kundërshtimin dhe protestën e tregtarëve të tjerë, të cilët shprehen se kanë qenë të rregullt me pagesat. “Më kanë vënë 6 muaj pa paguar, ndërkohë që i kam paguar muaj për muaj. Si mund të na mbyllin?”, thonë disa prej tyre.
Rezistenca e tyre ka bërë që policia bashkiake të tërhiqet nga vendimi për të paralizuar të gjithë, por kjo nuk i ka qetësuar plotësisht tregtarët. Përmes një prononcimi për mediet ata kanë kërkuar që bashkia përveç pagesave që kërkon, duhet të kuptojë që ka edhe detyrime ndaj kushteve ku tregtojnë këta tregtarë. “Mbahen dyqanet me plastmasë, dhe vijnë edhe të kërkojnë lekë”, thonë ata.
Ndër të tjera, ata i bëjnë thirrje qeverisë që të investojë në atë treg dhe jo të lërë policinë ta mbyll, pasi në të kundërt shumë familje që varen nga këto biznese do të futen në krizë. E.H/ Gijotina.com/
Discussion about this post