Ditën e sotme Kreu i SPAK Arben Kraja deklaroi se gjyqtarë dhe prokurorë të institucionit që përfaqëson janë kërcënuar dhe shantazhuar. Pas këtij prononcimi, ka folur dhe ish-deputeti i Partisë Socialiste Spartak Braho, duke thënë se SHBA duhet të veprojë, teksa i referohej ambasadores Yuri Kim.
Në një intervistë për emisionin “Frontline”, Braho tha se Kim nuk duhet të bëjë më deklarata, por të veprojë dhe të publikojë emrat e atyre personave që kanë kërcënuar gjyqtarët dhe prokurorët.
Sipas ish-deputetit, kryeministri Rama dhe ish-kryeministri Sali Berisha kanë qenë dy figurat që kanë sulmuar më shumë SPAK-un.
Braho: SPAK në prag të dështimit. Prokurorët e SPAK janë kërcënuar. Kush janë ata që i kanë kërcënuar. Alibi i ka ambasadorja Yuri Kim deklaratat se SPAK po kërcënohet. Të veprojë ajo. Nëse nuk përkrahen gjyqtarët dhe prokurorët. Nëse Sali Berisha apo kushdo qoftë kërcënon SPAK-unm, të merret dhe të futet brenda. Sali Berisha ia ka marrë dorën Yuri Kim. Ka kërcënuar Rama SPAK sa herë i ka dashur qejfi. Zonja kur të flasë herë tjetër për kërcënime, të sjellë emra në tavolinë. U bëmë republikë llafesh.
Nëse kërcënon Sali Berisha, ta marrin ta fusin brenda. Deklaratat tregojnë pafuqinë e ambasadores. Ajo i thotë se do të bëjë presion, por nuk ecet më kështu. Nuk ecet më, kemi 30 vjet që vijmë vërdallë. Nuk bëhet Shqipëria pa drejtësi. Vetëm drejtësia e bën këtë vend.
Këtu ankohu sa të duash, këtu të heqin qafe. Gjyqtarët janë të trembur. Sa kohë që nuk po shohim veprime konkrete. Çfarë bëhet me dosjen e inceneratorëve? Këta po i nxjerrin përjashtë fare. I kanë brenda, i nxjerrin jashtë. Është operacion i madh, kompleks të cilin DASH, ambasadorët duhet të veprojnë konkretisht. Deklaratat janë shumë të bukura.
Discussion about this post