Ish-drejtoresha e Tatimeve e qeverisë Rama, Briseida Shehaj ka sulmuar kryeministrin pas deklaratës së tij për krijimin e Bordit të Monitorimit të çmimit të Naftës. Në një postim në Facebook, Shehaj akuzon Ramën se me krijimin e këtij bordi është duke vjedhur bashkë me personat kyç që janë denoncuar si personat që kanë shkelur ligjin në këtë vend.
Sipas saj, 70% e furnitorëve të naftës janë dërguar në Prokurori për evazion fiskal, për mashtrim dhe pastrim parash, ndërsa shton se Rama nuk i denoncuar asnjëherë prokurorët që kanë mbyllur dosje e tyre.
“Doli kryeministri dhe tha: Do ngemë një bord! Se nuk i ul taksat ky, s’ka si i ul taksat. Nuk ka si ul, duhet të kuptoni që ky e vjedh kaq shumë këtë buxhet, e ka zhytur kaq shumë në borxh këtë buxhet, ka marrë kaq shumë angazhime për këto koncesione sa ky nuk e bën dot këtë gjënë, kaq e thjeshtë është. Ky thotë do bëj një bord dhe pjesë të bordit do jenë pronarët e kompanive të naftës, të atyre që na vjedhin. Por jam kurioze kë do të zgjedhin, sepse administrata tatimore, po e drejtuar nga qeveria e Edi Rama, 70% e tyre i ka çuar në prokurori për evazion fiskal për mashtrim, për pastrim parash. Tani gjyqtarët e prokurorët mbyllin dosjet dhe ky zotëria do t’i marrë këta dhe do ti fusë tek bordi? Si do t’ia bëjë, do të legjitimojë vjedhjen me bord ky Dhe deri në ditën që ne do të marrim vesh se kush janë hajdutë që do të vësh ti në bord, sepse ti i di shumë mirë me emra dhe mbiemra arta hajdutët, për të cilët nuk fole kurrë, kurrë nuk fole. Nuk të pashë ndonjëherë të denoncosh prokuror apa gjyqtar që mbyll dosjen e këtyre të naftës, apo atyre ndërkombëtarëve që vjedhin naftën tonë, apo të flisje për atë ministrin që shkarkohet, që vëllai i tij mori rafinerinë dhe e bëri për skrap, apo për bankat e nivelit të dytë”, tha Shehaj.
Sipas saj, Rama nuk nxjerr tatimet në teren për të bërë inventarin, pasi nuk i leverdis të heqë taksën të cilën e ka vënë vetë. Reagimi lidhet me vendimin më të fundit të shpallur nga qeveria për krijimin e një Bordi për Menaxhimin e çmimit të Naftës pasi çmimi i saj arrite nivel rekord në 190 lekë.
Discussion about this post