Për Guido Rasi , ish-drejtor i EMA-s, nuk është koha për dozën e katërt anti-Covid . Ai tha në një intervistë se vaksinimi për të mbajtur sisitemin imunitar të aktivizuar nuk ka kuptim më.
“Nuk ka kuptim ta mbajmë sistemin imunitar të aktivizuar vazhdimisht. Ne kemi një kujtesë që na ndihmon edhe kur antitrupat bien . Ai mund të mos jetë në gjendje të shmangë infeksionin, por sëmundja e rëndë do ta shmangë. Dhe për të ardhmen do të ishte më mirë të zhvillohej një përgjigje e re, më e strukturuar sesa të vazhdohej të organizoheshin vaksinime masive në një regjim emergjence”, u shpreh ai.
Lidhur me dozën e katër të vaksinimit ai shtoi se kjo më shumë se i jep përgjigje pyetjeve mbi vaksinimin dhe pandemisë i shton ata, duke theksuar se duhet të gjendet një formë tjetër për të përballuar pandeminë.
“Doza e katërt, nga ana tjetër, na bën më shumë pyetje sesa përgjigje. Për momentin do ta rekomandoja për personat me imunitet të kompromentuar, për pacientët me kancer, për ata që kanë një ulje të shpejtë të antitrupave sepse janë në dializë. Në çdo rast, ne nuk mund të vazhdojmë me fushata të vaksinimit masiv çdo disa muaj. Nuk është e qëndrueshme. Ne duhet të mendojmë për një përgjigje më të strukturuar “, tha ai.
Ish-drejtori i EMA-s sugjeroi krijimin e një lloji të veçantë vaksinë në formën e një spray që prodhojnë imunitet në membranat mukoze të sistemit të frymëmarrjes ose vaksina që njohin proteinat e tjera të virusit, më të qëndrueshme se sa spikat që ndryshon me shpejtësi.
Discussion about this post