Ish-futbollisti i Bajern Leverkusen Sezer Ozturk është shpallur në kërkim në Turqi. Ai akuzohet se ka qëlluar me armë zjarri duke shkaktuar vdekjen e një personi në rrugët e Stambollit.
Referuar mediave turke, në datën 19 shtator, Ozturk është përfshirë në një zënkë në rrugë. Ai i ka kërkuar një grupi personash që ta linin të kalonte me makinën e tij Mercedes. Për rrethana të paqarta, ai dhe shokët e tij janë përfshirë në një zënkë masive dhe në një moment, Ozturk ka nxjerrë një armë zjarri duke qëlluar. Një person ka mbetur i vdekur nga plagët, ndërsa janë plagosur edhe katër të tjerë.
Pas kësaj ngjarje, ish-futbollisti turk është është larguar në arrati dhe po kërkohet nga policia.
