Afrim Tole mendon se titulli kampion vendoset në Durrës dhe nëse bardheblutë fitojnë me Teutën, ata marrin trofeun. Në forumin e “Panorama Sport”, ish-lojtari i të dyja skuadrave analizoi si bardheblutë dhe të kuqtë.
Ai preku temat e peshës së fanellave, cilësisë së lojtarëve dhe krahasimin mes dy trajnerëve Orges Shehi dhe Xhovani Kolela.
TITULLI
“Tirana dhe Partizani kanë 50 për qind shanse për t’u shpallur kampione. Për mendimin tim titullin e ndan kjo javë. Ne flasim zakonisht për derbin, por nëse bardheblutë kalojnë Teutën dhe e kam fjalën për fitoren e Tiranës, për mua e ka marrë titullin kampion. Kampionati mbaron me fitoren e Tiranës në Durrës”.
PARTIZANI
“Edhe Partizani ka 50 për qind shanse, siç e thashë më lart. Ama Partizani duhet të shohë ndeshjet e tij. Si fillim të kalojë Kukësin një herë, pastaj me një sy andej nga Tirana. Themi që duhet të shohim ndeshjet tona, por duhet të shohim edhe kundërshtarin tonë direkt”.
NDRYSHIMI
“Tirana ka luajtur keq dhe ka fituar ndeshjet, ndërsa Partizani ka luajtur bukur dhe ka humbur. Tirana ka grintën. Fanellën e ka shumë të shenjtë, ndërsa Partizani ka emrin e madh dhe ka lojtarë të mirë”.
SHEHI
“Sezonin e kaluar, pa u shitur Skuka dhe Bitri kanë qenë shumë pranë tyre dhe nuk kanë pasur diferenca. Unë e kam parë Orges Shehin një trajner që ka qenë afër me skuadrën. Po bëj një krahasim me Klopin te Liverpuli në kulmin e vet.
Njeh mentalitetin e lojtarëve shqiptarë dhe u ka qëndruar pranë atyre. Kjo është një nga arsyet që Tirana është ndryshe”.
KOLELA
“Për Partizanin dhe Kolelën duhet kohë. I kanë ikur dheardhur lojtarë. Po të kishtegrupin e pacenuar, ndoshtagjërat do të ishin më ndryshe.
Dy gjëra kam parë te Partizani. E para, janë ndërrimet që nuk kanë dhënë rezultat. Shënon pjesën e parë, por humbet në pjesën e dytë. Një skuadër që nuk ruan dot avantazhin”./PanoramaSport
Discussion about this post