Në një video të postuar në rrjete sociale, ish futbollisti, ndër të tjera i Sampdorias dhe Udineses, Jakub Jankto, ka marrë vëmendjen e të gjithë opinionit sportiv në Europë duke pranuar hapur homoseksualitetin e tij.
27-vjeçari ishte shumë i sigurt edhe i qartë në videon e tij duke theksuar se nuk ka më dëshirë të jetojë me frikë dhe se nuk dëshiron të mbajë të fshehtë atë që është dhe një bindje e tij.
“Përshëndetje, unë jam Jakub Jankto. Si gjithë të tjerët, edhe unë kam pikat e mia të forta, kam dobësitë e mia, kam një familje, kam miqtë e mi. Unë jam homoseksual dhe nuk dua të fshihem më”.
Ndërsa Jankto përfundon së foluri, një fjali në fund të videos thotë: “Kjo nuk është një video për argëtim. Qëllimi i këtij mesazhi është të inkurajojë të tjerët”.
Të shumta kanë qënë mesazhet e mbështetjes për futbollistin në rrjetin e tij social.
Discussion about this post