Vllaznia e Shkodrës duket se e ka gjetur trajnerin që do të marrë drejtimin e skuadrës për Europën dhe sezonin e ri. Media shqiptare “Panorama” ka mësuar se klubi është në bisedime me ish-futbollistin Migen Memelli dhe me shumë gjasa, ai do të jetë në krye të stolit të klubit verior.
Memelli është një trajner që e njeh futbollin shqiptar pasi së fundmi ishte pjesë e Skënderbeut të Korçës në sezonin që ra nga Kategoria Superiore, duke e drejtuar sërish në Kategorinë e Parë.
Ai u shkarkua për shkak të rezultateve të dobëta dhe vendin e tij e zuri Gvozdenoviç që e ngjiti në Superiore. Në Superiore, Memelli ka drejtuar edhe skuadrën e Laçit./PanoramaSport
Discussion about this post