Ish-futbollisti i “Vllaznisë” dënohet me 30 vite burg për vrasjen e shqiptarit në Francë

Një 26-vjeçar shqiptar është shpallur fajtor për vrasjen e një bashkëkombësi në Francë, raportojnë mediat vendase.

Ngjarja ka ndodhur në vitin 2020, në Cenon, ku viktima Avdyl Nuhiallari u qëllua për vdekje me thikë në zemër.

Sipas mediave franceze: Sahmet Lushaj, ish-futbollist i “Vllaznisë”, ka bashkëpunuar me Nuhiallarin për trafikun e drogës, por një borxh ka prishur aleancën mes tyre. Më 20 maj të vitit 2020, Sahmet Lushaj ka mbërritur në Cenon së bashku me vëllain e tij për të mbledhur një borxh të lidhur me lëndët narkotike, që i kishte djali i viktimës.

Pas një debati mes tyre, Sahmet Lushaj nxori një thikë dhe qëlloi 52-vjeçarin në zemër, duke i marrë jetën. Ai u arrestua pak kohë më pas, dhe gjatë gjithë kohës ka mohuar akuzat. Sot, ai u dënua me 30 vite burg, për krimin.