Një nga futbollistët më të mirë të dalë nga akdemia e Shkëndijës së Tiranës, ka bërë emër në futbollin shqiptar, me përformancat e tij, të cilat kanë tërhequr, më në fund vëmendjen e klubeve europiane.
Rudolf Turkaj ka qenë një nga emrat që i ka dhënë lamtumirën Laçit gjatë kësaj vere, pas katër viteve mjaft të suksesshëm në radhët e kurbinasve ku ai mbajti edhe shiritin e kapitenit.
Por tashmë për 28-vjeçarin nis një aventurë e re larg vendit tonë. Ai është prezantuar sot si një përforcim i klubi të FC Martigues në Francë.
Futbollisti kishte luajtur në ndeshjet e fundit miqësore të kësaj skuadre dhe duket se ka bindur stafin teknik, duke hedhur firmën në kontratën që e lidh me klubin e kategorisë së tretë franceze.
Kjo është eksperienca e parë larg vendit tonë për Turkajn, i cili para se të bëhej pjesë e rëndësishme Laçit, kishte luajtur më parë me Besëlidhjen, Shënkollin dhe Ilirinë.
Discussion about this post