Ish-Komandanti i Forcës Detare, Artur Meçollari ka denoncuar ndërtime të paligjshme në Bazën Detare të Shëngjinit dhe Sarandës. Sot nëpërmjet një postimi në rrjetin social “Facebook” ai ka dhënë lajmin se SPAK ka nisur hetimet për këtë rast të jashtëligjshëm.
“Akuza për shpifje u ngrit për shkak të problematikave që kisha ngritur lidhur me ndërtimin privat të jashtëligjshëm brenda Bazës Detare të Shëngjinit dhe Operacionit SAR të datës 8 janar 2021, gjatë së cilit motovedeta e Rojes Bregdetare P-116 “Bora” shpëtoi 55 refugjatë sirian, por ndaj komandantit dhe ekuipazhit të motovedetës vijon padia penale për shpërdorim detyre”, ka shkruar ai.
Ndërsa gjithashtu dha lajmin se Gjykata e Tiranës pushoi çështjen penale për shpifje ndaj Meçollarit, i denoncuar nga Ilir Xhebexhiu, Gjeneral Brigade dhe Komandant i Forcave Detare.
“Gjykata Penale e Tiranës pushoi sot çështjen penale kundër meje. Sot, me vendim të Gjykatës Penale të Shkallës së Parë të Tiranës u pushua çështja penale, për akuzën e kundravajtjes penale të shpifjes, me paditës z. Ilir Xhebexhia, Gjeneral Brigade dhe Komandant i Forcës Detare në ngarkim të Artur Meçollarit, Kapiten i Rangut të Parë (L) dhe ish-Komandant në detyrë i Forcës Detare (Zëvendëskomandant)”, ka shkruar ai.
Ndër të tjera, Artur Meçollari thotë në postimin e tij se ai u padit për shpifje pasi denoncoi ndërtimet e paligjshme në Bazën Detare të Shëngjinit.
Discussion about this post