Ish-komandanti i forcave special të ushtrisë, gjeneral Dritan Demiraj, ka bërë një deklaratë të fortë sa i përket luftës Rusi-Ukrainë. Gjatë një interviste televizive ai tha se objektivi i Rusisë nuk është Ukraina, por edhe disa vende të tjera.
Demiraj tha se shërbimet inteligjente kanë informacione mbi çfarë po ndodh dhe se nëse perëndimi nuk ndërhyn, republikat e Balltikut rrezikohen. “Kjo mbetet për t’u parë, koha do vërtetojë nëse jam gabim. Unë gjykoj që objektivi i radhës nëse perëndimi do tolerojë këtë invazion do të jenë republikat Balltike.
“Kemi që nga viti 2004, sulme kibernetike, sulme të gjeneratës së 4, financime të partive, vendosjen e partive të dyta, marrjen e disa bashkive kryesore. Veprimtari shumë aktive të shërbimeve sekrete, që do të thotë se objektivi i radhës janë vendet Balltike e për këtë edhe shërbimet sekrete po marrin të gjitha masat. Në këtë kontekst është dhe deklarata e sotme e Biden, për asnjë milimetër tokë. Asnjëherë nuk ka qenë objektivi i Rusisë, as Ukraina, as Sllovakia dhe as Polonia”, tha Demiraj. Më tutje ai bëri thirrje që SHBA dhe Amerika të ndërhyjnë me urgjencë, në të kundërt pasojat do të zgjerohen.
Discussion about this post