Ish-konkurrenti i Për’puthen, Atdhe Xharavina, jo pak herë është përfolur në median rozë për pamjen e tij dhe për lidhjet që ka pasur me personat e njohur të showbizit.
Ai ka publikuar një video në TikTok ku shihet duke marrë serum në spital. Krah videos Atdheu ka shkruar: “Nuk pi më”, duke lënë të kuptohet se teprimi me alkoolin ka qenë shkaku i gjendjes së tij.
Kujtojmë që Atdheu është përfolur dhe për një lidhje të mundshme me një nga figurat më të njohura të ekranit shqiptar, Bora Zemani dhe është cilësuar dhe si shkaku i ndarjes së Borës me aktorin e humorit Donald Veshaj.
Po ashtu Atdheu është përfolur dhe për prishjen në mënyrë të papritur të marrëdhënies me ish-banoren e “Big Brother VIP”, Arjola Demiri. Ata kanë patur një marrëdhënie të ngushtë prej vitesh që u zbulua vetëm në reality-show.
Sakaq, disa javë më parë ish-konkurrenti i “Për’puthen” bëri gjestin që u komentua shumë në rrjetet sociale duke prerë flokët pasi tha se kishte vendosur t’i dhuronte për paruke, për të gjithë ata që vuajnë nga kanceri. Kjo pasi edhe nëna e tij ka vuajtur nga sëmundja e rëndë.
Discussion about this post