Ish-kryebashkiku i Shkodrës, Bardh Spahia paraqitet në SPAK

Ish-kryebashkiaku i Shkodrës, Bardh Spahia, është paraqitur në SPAK këtë të martë.

Spahia nuk tregoi pse po paraqitej në Prokurorinë e Posaçme

Për herë të fundit ai ishte aty më 24 dhjetor të vitit të kaluar. Edhe atëherë, ai tha se ishte paraqitur për një çështje që nuk ka asnjë interes publik dhe nuk ka lidhje as me korrupsionin e as me krimin.

Burime pranë SPAK bënë me dije se ish-kryebashkiaku i Shkodrës kishte dhënë deklarime në lidhje me një kallëzim të bërë nga ish-drejtori i Ujësjellës Kanalizimeve në Shkodër.

Ish-drejtori i emëruar në detyrë nga paraardhësja e Spahisë, Voltana Ademi, është shkarkuar nga detyra nga ish-kryebashkiaku dhe për këtë ka kërkuar hetime ndaj tij.