Ish-lideri kontrovers pranon falsifikimin e certifikatës shëndetësore

Ish-presidenti i Brazilit, Jair Bolsonaro, ka konfirmuar se nuk është vaksinuar kundër Covid-19.

“Nuk e kam mohuar kurrë”, tha ai duke iu përgjigjur gazetarëve, të cilët e morën në pyetje për falsifikimin e të dhënave të tij të vaksinimit.

“Konfirmoj që as vajza ime 12-vjeçare Laura nuk është e vaksinuar”, shtoi ish-lideri i djathtë, duke saktësuar se gruaja e tij Michelle ishte vaksinuar në atë kohë në Shtetet e Bashkuara.

“Jam i befasuar nga ky operacion në shtëpinë e një ish-presidenti për të krijuar një fakt”, vijoi Bolsonaro, sipas të cilit “gjithçka është e mundur në Brazil”.

“Nëse do të jetonim në një vend demokratik, do të ishte e mundur të diskutonim një temë të tillë si vaksina, për të cilën është e ndaluar të flitet”, përfundoi Bolsonaro para kamerave të medias që e prisnin në dalje të rezidencës së tij në Brazilia.