Aristidi Kolaj, ish-mesfushori i përfaqësues U21 të Shqipërisë, bëhet gati për një aventurë të re, përsëri në Serinë C (Liga e tretë italiane), por me një klub i cili ka shfaqur hapur ambicie për ngjitjen në Serinë B italiane dhe po bën lëvizje të rëndësishme për të arritur këtë objektiv.
Futbollisti, pas një viti me dritëhije te Pescara, ka vendosur t’i bashkohet Cesenës, klubit ku u promovuan në vitin e fundit binjakët Shpendi.
Kolaj pritet të ketë një rol protagonisti në fazën sulmuese të bardhekaltërve, me objektivin për ta ndihmuar drejt ngjitjes në Kategorinë e Dytë italiane, teksa kujtojmë se në edicionin që sapo u mbyll, skuadra u eliminua në play-off.
Sipas mediave italiane, Kolaj do të transferohet në huazim, me të drejtë blerje përfundimtare që bëhet e detyrueshme nëse Cesena ia del në misionin për t’u ngjitur në Serinë B.
Discussion about this post