Ish-ministri i Drejtësisë Ylli Manjani ka deklaruar ditën e stome së është pro “Foltores” së Berishës, duke e quajtur atë si një shpresë. Përmes një postimi në Facebook, Manjani Foltorja po shërben si një ristart për demokraci brenda PD.
“PD po rrokulliset me motorë të fikur. Ndaj duhet ndezur motori. Nuk është motor i dëmtuar, por thjesht i vjedhin naftën, ndaj dhe nuk ndizet. Berisha po e rindez dhe kjo është gjë e mirë. Rindezja e PD mund të shërbente shumë për ristartin e demokracisë në vend. Se motorfikurit, jo vetëm të PD, e kanë dëmtuar rëndë demokracinë, zgjedhjet, fjalën, lirinë, ekonominë, shoqërinë e shtetin. Sigurisht nuk pres që Berisha t’i rindezë të gjitha këto, por një PD demokratike mund të ndihmonte shumë. E kuptoj ngarkesën që njerëzit kanë me emrin dhe figurën e Tij dhe kanë të drejtë, por kjo lëvizje e tij bën veç mirë”, shkruan ai.
Sipas Manjës, PD është në situatën kur po rrokulliset me motorë të fikur, ndërsa shton se është pikërisht Berisha ai që do rindezë këta motorrë për një PD më demokratike. “A ka Berisha një axhendë personale? Ndoshta ka. Por personalja e një 77- vjeçari është shumë më e gëlltitshme sesa egoja e një 47 apo 57-vjeçari që s’ngopet me sundim antidemokratik. Megjithatë, uroj të jetë ristart, jo rikthim. Shoqëria ka nevojë për ristart demokratik, politik, ekonomik e institucional”, shkruan Manjani, ndërsa thekson se duhet të forcohet opozita që zgjedhjet e radhës të jenë më të efektshme.
Discussion about this post