Ish-presidenti i Kroacisë Stjepan Mesic është shprehur kundra mosnjohjes së Kosovës nga Serbia. Ai ka pohuar se politika serbe është shumë agresive.
Ndër të tjera ai beson se Kosova është një çështje teknike dhe Serbia nuk mund ta marrë Kosovën në asnjë mënyrë.
Mesic vlerëson se problemi i rajoni, i cili më vonë reflektohet në të tjerët është se pas luftës gjatë shpërbërjes së Jugosllavisë, Serbia, e cila filloi luftën, nuk përjetoi katarsis pas luftës.
Sipas tij, në anën tjetër është Kroacia, e cila në masë të madhe ka ruajtur marrëdhëniet që ekzistonin në kohën e Tuxhmanit, i cili bashkë me Milosheviqin e ndau Bosnjën e Hercegovinën.
“Tani keni ata trashëgimtarë që mendojnë se në botë ka ardhur koha që Bosnja e Hercegovina të ndahet përsëri”, tha ish-presidenti.
Ai pohon se po tentohet të prishet marrëdhënia me Malin e Zi.
“Ata provuan gjithçka dhe tani kanë që në aspektin fetar të prishin marrëdhëniet që janë krijuar në Mal të Zi. Më duket se kjo është e përkohshme, por e gjithë kjo lë shumë nervozizëm në rajon”, shtoi Mesic.
Ish-presidenti i Kroacisë ka akuzuar dhe Bashkimin Evropian se ky i fundit nuk jep asnjë zgjidhje.
“Bashkimi Evropian sot nuk ka një lider që ka vizion. Ka zyrtarë që i mbajnë gjërat, por nuk ofrojnë rrugëdalje. Nuk kemi liderë që do të tërheqin vendet që nuk janë në Bashkimin Evropian për t’iu bashkuar BE-së sa më shpejt të jetë e mundur. Nga njëra anë ka humbur entuziazmi i atyre që duan të anëtarësohen në Bashkimin Evropian dhe nga ana tjetër ju jeni lodhur duke u anëtarësuar. Natyrisht, këta liderë nuk e dinë se fati i Evropës është në bashkimin e saj. E gjithë kjo vonesë në zgjerimin e Bashkimit Evropian dëmton vetë BE-në dhe politikën botërore”, përfundoi kroati.
Discussion about this post