Ish-presidentja e Kroacisë, Kolinda Grabar-Kitarovic, me anë të një postimi në Instagram, ka shprehur entuziazmin për takimin që ka pasur me këngëtaren e njohur shqiptare, Dua Lipa.
Ato janë takuar në ceremoninë tradicionale të ndarjes së çmimeve në Këshillin Atlantik në Washington, ku ishin të pranishëm një sërë personalitetesh të famshme.
Kolinda thotë se Dua Lipa është një zë i fuqishëm për lirinë dhe femrat.
“Krenare me origjinën e saj. E përulur në lavdinë e saj. Fisnike në dashurinë ndaj kombit të saj”, janë fjalët e ish-presidentes kroate dedikuar Duas.
“Përshëndetjet më të përzemërta për të gjithë kosovarët dhe kroatët anembanë botës. Jam e nderuar që kam takuar këtë artiste dhe aktiviste të shquar, zëri i fuqishëm i të cilës për lirinë dhe femrat, dëgjohet kudo”, ka shtuar Kolinda në postimin e saj.
Në “Distinguished Leadership Awards”, artistja që deri më tani ka fituar një sërë çmimesh, u nderua me edhe me një tjetër çmim, “Artistja e shquar e vitit 2021”.
Discussion about this post