Ish-sekretari i Mbrojtjes Mark Esper ka zbuluar se ish-presidenti Donald Trump kishte sugjeruar dikur një takim me talebanët në Uashington. Këtë e ka përfshirë në librin e tij “A Sacred Oath” të cilën e publikoi të martën.
Ish-sekretari i Mbrojtjes Mark Esper ka zbuluar se ish-presidenti Donald Trump kishte kërkuar një takim me talebanët në Uashington, fakt që e ka publikuar në librin e tij “A sacred Oath”.
Në një fragment të librit, Esper tregon se si ekpi i këshilltarëve u takuar me Trump më 30 gusht 2019 për të diskutuar një marrëveshje për t’i dhënë fund luftës në Afganistan.
Gjatë takimit Esper kujtoi se ish-presidenti i kapi të gjithë në befasi duke thënë: “Dua të takohem me talebanët këtu në Uashington”.
“Gjithnjë shoëman, Trump besonte se kjo do të sillte një fokus të madh në çështjen në fjalë dhe megjithëse kjo nuk u tha kurrë, e quajti atë si një diplomat dhe biznesmen të jashtëzakonshëm që mund të mbyllte çdo marrëveshje”, shkroi ai.
Sipas Esper, Trump më pas propozoi që takimi të zhvendosej në Camp David.
“Talibanët kishin vrarë dhe plagosur më shumë se 20,000 pjesëtarë të shërbimit amerikan në Afganistan që nga viti 2001, dhe kjo është vetëm duke numëruar plagët fizike të luftës”, shkroi Esper.
“Jo vetëm që nuk mund ta bëja unë personalisht, por do të ishte e tmerrshme që çdo sekretar i Mbrojtjes ose kryetar i Shtabit të Përbashkët të pinte çaj me këta terroristë, veçanërisht kur ne kishim ende trupa në një zonë luftimi.”
Esper shtoi se se mbajtja e takimit do të ishte “thyerje e besimit” me trupat amerikane, familjet e tyre dhe veteranët, veçanërisht kur 18 vjetori i sulmeve të 11 shtatorit ishte rreth një javë larg në atë kohë.
“Kjo ide ishte e tmerrshme në shumë mënyra,” shkroi Esper.
Ndër incidentet e risjella në libër janë sugjerimi i Trump për të lëshuar raketa në Meksikë për të “shkatërruar laboratorët e drogës” dhe se si ai dikur shprehu dëshirën për të “qëlluar” ata që protestonin kundër vrasjes së George Floyd në maj 2020.
Discussion about this post