Ish-studenti i dhjetorit 1990, Ilir Dizdari u shpreh në Kuvendin Kombëtar të PD, se ish-kryeministri Sali Berisha po rikthen në vend kultin e individit dhe demokratët kanë detyrë ta ndalojmë.
Nga Pallati i Kongreseve, Dizdari ka shtuar se entuziazmi i demokratëve në sallë sot, i ngjan dhjetorit 1990 në momentin e rrëzimit të komunizmit.
”Na janë shfaqur me metoda pseudo demokrate dhe janë bërë problem për shqiptarët. Çfarë kërkuam ne në vitin 1990? Është koha për t’i ritheksuar. Ne sot kemi të njëjtat detyra themelore për të çuar në vend amanetin e atyre që nuk jetojnë më. Bëj sot bilancin e shumë figurave që themeluan PD-në dhe më rezulton se ata u larguan, u përzunë dhe fatkeqësisht Shqipëria po rikthehet në kultin e individit, ne duhet ta ndalim këtë”, tha Dizdari.
Gjithashtu, Dizdari është shprehur se Basha ka marrë përsipër të riparojë shtyllat e PD-së, dhe se ëndrra e studentëve të dhjetorit 1990 duhet të bëhet realitet me ndihmën e SHBA dhe BE.
Discussion about this post